ملاك بوعلاق

حكايتي

المدينة نحبها برشا و نرتاح كيف ندور في زناقيها أما انجم نقول  الي ما نعرفهاش بلقدا على خاطر في صغري كانوا بابا وأمي يهزوني معاهم و اعرفوني على بلايص مختصين في المدينة و زيد كيف كبرت وليت ماعادش نجيها. أما توا شاهية نشوفها و نعرف تراكنها، شاهية ندور في حوِمها و زناقيها، شاهية نشوف ديارها و نطل من سطوحاتها، شاهية نشوف عبادها و حوانتها،  شاهية نسمع حكايات كبارها و حكاية كل تركينة فيها، شاهية نسمع حديث حيوطها و بيبانها على خاطر عاشوا تاريخ بلاد كاملة بحبها و حربها بفرحتها و بكاها، شاهية ندور فيها و شاهية نضيع فيها.